TUTUOU

Tutuou naanu mantod ka 'tuou'. Tuou it ponokotuou do wakid. Tutuou nopo diti nga iri mongantob do obubus iri posuang-suangon. Nunu iri nokosuang om iri no ot gunoon. Haro it araat do nokosuang om potuntugon toi iduon.


Woyoboros do Sundu nopo nga aiso somboros. Okon ko doun Dusun, okon ko doun Tongoro (Kadazan), Kimorogong (Kimaragang), Tombunan (Tambunan), Koningau (Keningau), Ranou (Ranou), Rungsud (Rungus) toi tulun songkosuaian. Woyoboros Sundu boros doun komolohingan tulun momasok Bonio (Sabah). Sundu nopo nga boros do pisokodungan tulun Bonio. Nung Dusun koh, poingkokoto no boros Dusunnu. Nung Tangoro ko, poingkokoto no boros Tangoro.

Haro pipiro tuou do ponuturon om ponuroton do  woyoboros Sundu. Tuou nopo di togayo no kopio nga;

1. Boros osonong ogumu pimato wokal 'O'.
2. Boros kikomoyon taraat toi kikotutukon taraat ogumu pimato wokal 'A'
3. Boros di mitimbang kopongorotion momoguno do pimato wokal mogirolut (A, I, O, U)
4. 19 pimato (A, B, D, G, H, I, J, K, L, M, N, O, P, R, S, T, U, W, om Y)
5. 5 pimato di antaban do kosuang id boros Sundu. Iti nopo nga C, E, F, Q, V, X, Z. Nung kosung ilo pimato nantaban, okon nodi ko Sundu nga boros nodi do Tongoro, Dusun, Rungus toi boros momasok suai.

Soira do monurat toi monutur boros Sundu, umbalon no do momoguno mooi do awu no atagak iti boros Sundu. Nung mongumbal do popowalihboros doungsongkosuaian, ihumon po mantod ot boros di gunoon do monunutur momasok id Bonio. Nung aiso ka di otopot do poporati di ka id woyoboros nokomoi, wonsoion nogi iso ka tumanud do pongorotion, pomogunoon toi kouyu-uyuon ka di nokomoi. Pomitanon;

Inggilis: Computer
Molayu: Komputer
Dusun: Kompiuto
Sundu: Kompiuto

Inggilis: Mouse
Molayu: Tetikus
Dusun: Totikus
Sundu: Tontuduk (todoson om pontuduk id kompiuto)

Inggilis: Keyboard
Molayu: Papan Kekunci
Dusun: Kibod Kompiuto
Sundu: Totikon (tonsokon om koritikon )

Inggilis: Train
Molayu: Kereta api
Dusun: Koritapi
Sundu:  Puput (noundodoitan tumanud dio kouni-union hon dau di pogulu poh)

Inggilis: Internet
Molayu: Internet
Dusun: Intonit
Sundu: Purubung (pukot piturubungan)

Kopiwosion monutur woyoboros Sundu!